EI-ren berriak

Jesus María Alkain hil da

Bi hilabetez gaisotasunaren larridura pairatu ondoren, uztailaren 1ean itzali zen, azken zortzi urteotan Eusko Ikaskuntzako Diruzaina izan den Jesus Maria Alkainen bizia.

1978ko urtarrilean egin zen Elkarteko bazkide eta 1992ko abenduaren 12an aukeratu zuten diruzain. Horren ondorioz, Batzorde Eragile eta Batzorde Iraunkorreko kidea izan da.

Alkain jaunak sendo erakutsi zuen beti zein barruan zeraman Eusko Ikaskuntzarekiko atxikimendua. Eta Alkain jaunaren ekarpena nolabait saritu nahian Elkarteak Ohorezko Bazkidea izendatu zuen, aurtengo Batzar Nagusian.

Azken lau urteotan ere, eta Eusko Ikaskuntzaren ordezkari bezala aritu zelarik, Jesus Maria Alkainek bere gain hartu zituen Jose Miguel Barandiaran Fundazioko diruzainaren ardurak.

Euskonews & Media 130.zbk (2001 / 7 / 6-13)