CURRICULUM VITAE

Bermeo 1977-9-20

Nire lehenengo ikasketak Bermeon egin nituen eta E.H.U.ko Arte Ederren Fakultatean ikasketak burutzera joan baino lehen, ez nuen arte formakuntzarik izan, beti ere pintatzea eta marraztea gustoko izan banuen ere.

Unibertsitateko ikasketen azken urtean Ingalaterrara joan nintzen, “Winchester School of Art” era, Erasmus bekarekin eta han grabatuarekin esperimentatu nuen batez ere.

Ingalaterran 5 urte inguru pasatu nituen, beti marrazkiari eta pinturari loturik. Hasieran, kalean lurreko marrazkiak egiten hasi nintzen, gero talde baten sartu eta talde erakusketak egin genituen, baita bakarkakoren bat ere, eta mural kolektibo bat ere egin genuen Winchesterreko udalak eskatuta.

Nire Ingalaterrako azken urtea Southamptonen egin nuen. Bertan, King Edward’s VI School ikastetxean egin nuen lan, plastikako ordezkapen bat egiten eta Artista egoiliar moduan ikastetxerako artelan bat egiten.

Ingalaterratik bueltatzerakoan, orain urte eta erdiren bat dala, han-hemenka ibili nintzen lanean, Gazteizko Olabide Ikastolan plastikako irakasle moduan lanean hasi arte.

2008an hiru erakusketa egin ditut, bi Bermeon eta azkena Mungian. Azken hau oraindik ikusgai dago Mungiako Torrebillela Kurtur Etxean, maiatzaren 5erarte.

Beti izan dut gogoko pinturarekin esperimentatzea, koloreek ematen duten sentsazioak hartzea eta energia era batera edo bestera transmititzea; margotzeak barnea betetzea dit. Ez dut estilo eta teknika zehatzik erabiltzen, egin nahi dudan lanaren arabera erabiltzen dut teknika bat edo bestea, askatasun osoz.

Oraingo honetan erakutsi nahi dudan lanean 15 kuadrok bakar bat eratzen dute. Abstraktuarekin eta figuratiboarekin jokatzen dut, 15 pieza dituen puzle bat eratuz. Pieza bakoitzak indibidualki osatu behar du egitura bat, egitura abstraktu bat, mundu mikroskopikoa, paisaia... eta denak elkarren ondoan jarri ondoren, ordena zehatz baten, nire autoerretratua eratzen dute. Honako lan honi OLGETAN deitu diot. Ea zer deritzozuen.