Naturaren Ahotsa
Lepazuria
Latinez: Martes foina
Gaztelaniaz: La garduña
Ingelesez: Beech Marten
Frantsesez: : La fouine
Deskribapena
Tamaina handiko erbinudea gogarazten digu. Gorputz luzea eta tonu arre
gorrixka du bizkarrean. Bularrean narrio zuri bat dauka, animaliaren
arabera aldakorra dena. Ezaugarri garrantzitsua da hau martarengandik
(Martes martes) ezberdintzen baitu. Hau, antzeko mustelidoa da, zakarragoa
eta bularra horixka du. Bien burua hiruki erakoa da, eta mutur zorrotzekoa.
Aurreko eta atzeko hanken neurriak hauexek dira: 3,5 x 3,2 eta 4 x 3,2.
Gorotzak ez du oso sunda desatseginik, eta zidorretan uzten ohi dituzte.
Beltzak eta biribilak dira eta cm 1eko diametroa eta 10 cm-ko luzera
izan dezakete.
Tamaina
Burua eta gorputza: 42-48 cm.
Buztana: 22-26 cm.
Pisua 1,2-2. Kg.
Biologia
Gau ohiturak izanik usaimena eta entzumena bere zentzurik garatuenak
dira. Ernaldia ekainetik uztailera bitartean da, zaratatsua; egunean
errazago ikus daiteke. Bularreko zuria bandera gisa erabiltzen du, bere
lurraldean sartzen diren animalien aurrean.
Elikadura
Bizilekuaren arabera elikadura aldatzen da. Gizakiarengandik hurbil
baldin badago, batik bat arratoi eta saguak jango ditu, oilategi zein
usategietara behin-behineko bisitak eginez. Udazkenean fruta zaleagoa
da; gure eremuan batez ere pikuak ditu gustuko.
NATURAREN AHOTSA aldizkaritik hartuta.
Gehiago irakurtzeko sakatu hemen.