Naturaren Ahotsa
Amilotx urdina
Latinez: Parus caeruleus
Gaztelaniaz: El herrerillo común
Ingelesez: The Blue Tit
Frantsesez:La Mésange bleue
Deskribapena
Txori txiki eta eder honek buru, garondo, hego eta buztan urdinak agertzen
ditu. Aurpegia zurixka izan ohi da, begia zeharkatzen duen marra batez
apaindua, idun beltzak bular horiaren hasiera markatzen duelarik. Bizkarra
berdexka du, baina ñabardura urdinak ditu ere. Zuhaitz kanpoko aldeetan,
adartxo finen artean, intsektu, larba eta beldarrak etengabe
bilatzen dituen bitartean behatzea arrunta izaten da.
Tamaina
Luzera: 12 cm
Hego-luzera: 20
Pisua: 9-10 g
Biologia
Bertizko jaurerriko parke naturalean jokabide sedentarioa agertzen du
neguan zehar, iparraldetik datozen txorien mugimendu ibiltari eta migrazioen
ondorioz, populazio tamainak hazkunde nabaria agertzen badu ere. Zuhaitzetako
zuloetan egiten du habia; horrelakorik ez topatzekotan, helburu horrekin
jarritako habia-kutxak ere gogoko dituelarik. Zuloa goroldioz eta belarrez
betetzen du, eta ondoren lumez estaltzen du.
Emeak 7-12 arrautza errungo ditu, eta 15 egunetan zehar inkubatuko ditu.
NATURAREN AHOTSA aldizkaritik hartuta.
Gehiago irakurtzeko sakatu hemen.