Naturaren Ahotsa
Eskulapioren sugea
Latinez: Elaphe longissima
Gaztelaniaz: Culebra de Esculapio
Ingelesez: Aesculapian Snake
Frantsesez: La couleuvre d’Esculape
Ezaugarriak
Tamaina handiko sugea, bataz besteko 1,5 metrokoa izanik, gorputz luzea
eta liraina, buru luzea eta mutur biribila ditu. Bizkarreko kolorazioa
urdinxka arrea, marroi berdexka ditu; ezkata leunak zuri edo horiz pikardatuak
eduki ditzake. Ez dira bizkarretik erregulartasunez hedatzen, beraz,
pikardadura eten itxura dauka. Sabela argi horixka edo zuria izan ohi
du.
Tamaina
200 cm luze da.
Biologia
Gau ohiturak dituen espezie honek letargian ematen du negu osoa. Martxoa
aldera itzartu eta zertxobait geroago estaldurak hasiko dira. Emeak
5-10 bat arrautza jartzen ditu, 2 x 4 cm-koak izanik. Hauek zabaldu
eta berehala jaio berriak haien kabuz bizi dira; ia 30 cm-takoak izaten
dira.
Eskulapioren sugea lehortarra da eta zuhaitzetara igotzeko ohitura du,
oso gorakari arina baita. Batzuetan egunak ematen ditu zuhaitzetako
adarretan. Mikrougaztunez, narrastiz, txoriz eta hauen txitez elikatzen
da eta habiara igota harrapatzen ditu. Gizakiarekiko ez da arriskutsua,
hertsinguratuta baldin badago fizatzera hel badaiteke ere, baina ez
du inolako kalterik sortuko. Gehienean ere hortzetako marka tipiak utzi
ahal ditu. Oso luzea denez gero gizakiarengandik jazarpen gogorra jasan
du eta oraindik ere jasaten ari da. Duen beste arrisku bat kotxe kolpaketarena
da, bideak eta errepideak gurutzatzeko edota erdian eguzkitan egoteko
ohitura baitauka.
Elikadura
Maiz, egunak eta egunak ematen ditu zuhaixken adarretan barna. Adar
artean zoruan bezain ongi moldatzen da taxuerari eta ezkatok dituzten
ertzei esker, gorputzak ukipen-eremu zabala du eta. Zuhaixketan dabilenean,
hegaztiak eta haien habietako arrautzak eta umeak harrapatzen ditu,
bai eta muxarrak, muskerrak eta sugandilak ere. Lur gainean denetariko
saguak, satitsuak eta intsektuak (kilkerrak eta matxinsaltoak) atzematen
ditu. Jatun handia da eta trebezia handiarekin jotzen du erasoa. Harrapakinak
tinko estutuz hiltzen ditu, eta jarraian oso-osorik irensten ditu, burutik
hasita.
Habitata
Landaretza ugaria den toki heze eta eguzkitsuetan aurkitu ohi da. Habitat
nagusia landazabala eta hosto erorkorreko basoaren artean du. Giro hau
dagoen tokietara bizitzera doa, non zuhaixka eta landaretza sasiarteak
eta pinudi bazterrak zein eukaliptoak aprobetxatzen ditu. Basoaren barrenean
baina batez ere hauen agerrunetan bizi daiteke.
NATURAREN AHOTSA aldizkaritik hartuta.
Gehiago irakurtzeko sakatu hemen.