Naturaren Ahotsa
Tuntun arrunta
Latinez: Prunella modularis
Gaztelaniaz: Acentor común
Ingelesez: Dunnock
Frantsesez: L’accenteur mouchet
Deskribapena
Txolarre emearen antz handia du, baina buruan eta bularrean aurkezten
dituen tonu gris ilunei begiratuta bereiz daiteke. Marra arrez zerrendatutako
alboak eta bizkar gaztainkara aurkezten du, baina ezaugarri bereizgarrienak
zuhaixka geruzarako joera, moko intsektujale berezia eta buruko eta
bularreko tonu gris ilunak dira.
Tamaina
Luzera: 14–15 cm.
Pisua: 20–22 g.
Biologia
Nafarroan bikote habiagileak sedentario modura jokatzen dute, udazkenean
eta neguan, Europako erdialdetik eta iparraldetik datozen ale negutarren
etorreraren ondorioz, populazioa handitu egiten bada ere. Neguak hotzak
direnean, inguruetako mendietakoak ere kostaldeko eremu epelagoetara
hurbiltzen dira. Habiak apirilaren hasieran egiten dituzte. Bi helduek
habia eraiki ondoren, emeak 4–5 arrautza erruten ditu, hurrengo 12–13
egunetan zehar berak inkubatuko dituelarik. Ondoren txitak jaioko dira,
eta oraindik beste 15 egun emango dituzte habian.
NATURAREN AHOTSA aldizkaritik hartuta.
Gehiago irakurtzeko sakatu hemen.