Naturaren Ahotsa
Millet Satitsua
Latinez: Sorex coronatus
Gaztelaniaz: Musaraña tricolor
Ingelesez: Crowned Shrew
Frantsesez: Musaraigne couronnée
Ezaugarriak
Kolorazioa berezi samarra da, ilaia hiru kolorekoa baita, tonu ilunagoak
izanik. Bizkarrean marroi oso iluna da, txokolatea bezalakoa; sabela
zurixka eta aldeetan sabel eta bizkarraren bitarteko kolorea du, arre
horixka dena. Buztana lau angelutakoa da, aldeetatik konprimitua. Belarriak
dezente estalita daude.
Tamaina
Gorputza eta burua: 5,5-8,7 cm.
Buztana: 3,2-5,6 cm.
Pisua: 5-15 g.
Biologia
Oso espezie emankorra da, ugalketa garaian 5 kumaldi izateraino hel
daitekeena, bakoitzean 5 kume izanik, 1-10 artean tarteka daitekeelarik.
Ugalketa garaia neguan bertan hasten da, otsailaren amaieran eta udazkenera
hedatzen delarik. Bizitza laburra du, ez da urte osora heltzen, eta
gazteak ez dira sexu-umotasunera heltzen hurrengo negua arte, neguaren
etorrerarekin helduak biltzen diren heinean kumaldiak murrizten omen
dira.
Elikadura
Ornogabe, zizare, barraskilo eta intsektu mota ugariz elikatzen dira.
Metabolismo altua dutenez gero, egun osoan janaria bilatzeari eman behar
diote, baina irregularki eten uneak izanik.
Habitata
Oihan-ingurua eta giro hezeak gustuko ditu. Mediterraneo aldean oso
urria da, banaketa pagadi, amezti eta heze inguruetara mugatzen da,
zitu larreetan satitsurik eza izanik. Kantauriko kostaldean haltzadi
eta baso mistoetan, hala nola pinudietan bizi da, otadi zein txilardegietan
agerrera murritzagoa izanik.
NATURAREN AHOTSA aldizkaritik hartuta.
Gehiago irakurtzeko sakatu hemen.